ஒரு கோப்பையிலே என் குடியிருப்பு..
படம் : இரத்தத்திலகம் (1963)
பாடியவர் : டி.எம். சௌந்தரராஜன்
இயற்றியவர் : கவியரசர் கண்ணதாசன்
இசை : கே.வி. மஹாதேவன்
நடிப்பு : கவியரசர்
இயக்கம் : தாதாமிராசி
தயாரிப்பு : நேஷனல் மூவீஸ் ( பஞ்சு அருணாச்சலம்)
ஒரு கோப்பையிலே என் குடியிருப்பு..
ஒரு கோலமயில் என் துணையிருப்பு..
இசை பாடலிலே என் உயிர் துடிப்பு..
நான் பார்ப்பதெல்லாம் அழகின் சிரிப்பு..
ஒரு கோப்பையிலே என் குடியிருப்பு..
காவியத் தாயின் இளைய மகன்..
காதல் பெண்களின் பெருந்தலைவன் - நான்
காவியத் தாயின் இளைய மகன்..
காதல் பெண்களின் பெருந்தலைவன்..
பாமர ஜாதியில் தனி மனிதன் - நான்
படைப்பதனால் என் பேர் இறைவன்..
ஒரு கோப்பையிலே என் குடியிருப்பு..
ஒரு கோலமயில் என் துணையிருப்பு..
இசை பாடலிலே என் உயிர் துடிப்பு..
நான் பார்ப்பதெல்லாம் அழகின் சிரிப்பு..
ஒரு கோப்பையிலே என் குடியிருப்பு..
மானிட இனத்தை ஆட்டி வைப்பேன் - அவர்
மாண்டு விட்டால் அதைப் பாடி வைப்பேன் - நான்
மானிட இனத்தை ஆட்டி வைப்பேன் - அவர்
மாண்டு விட்டால் அதைப் பாடி வைப்பேன் - நான்
நிரந்தரமானவன் அழிவதில்லை - எந்த
நிலையிலும் எனக்கு மரணமில்லை..
ஒரு கோப்பையிலே என் குடியிருப்பு..
ஒரு கோலமயில் என் துணையிருப்பு..
இசைப் பாடலிலே என் உயிர் துடிப்பு..
நான் பார்ப்பதெல்லாம் அழகின் சிரிப்பு..
ஒரு கோப்பையிலே என் குடியிருப்பு..
No comments:
Post a Comment