அண்ணன் என்னடா தம்பி என்னடா.. - பழநி (1965)

அண்ணன் என்னடா தம்பி என்னடா 

படம் : பழநி (1965)

பாடியவர்: T.M. செளந்தரராஜன்

இசை : டி.கே.இராமமூர்த்தி 

இயற்றியவர் : கவியரசர் கண்ணதாசன்

அண்ணன் என்னடா தம்பி என்னடா 

அவசரமான உலகத்திலே

ஆசைக் கொள்வதில் அர்த்தம் என்னடா 

காசில்லாதவன் குடும்பத்திலே..

அண்ணன் என்னடா தம்பி என்னடா 

அவசரமான உலகத்திலே

ஆசைக் கொள்வதில் அர்த்தம் என்னடா 

காசில்லாதவன் குடும்பத்திலே..

தாயும் பிள்ளையும் ஆனபோதிலும் வாயும் 

வயிறும் வேறடா

சந்தைக் கூட்டத்தில் வந்த மந்தையில் 

சொந்தம் என்பதும் ஏதடா..

பெட்டைக் கோழிக்கு கட்டுச் சேவலை 

கட்டி வைத்தவன் யாரடா..

பெட்டைக் கோழிக்கு கட்டுச் சேவலை 

கட்டி வைத்தவன் யாரடா..

அவை எட்டுக் குஞ்சுகள் பெற்றெடுத்ததும் 

சோறு போட்டவன் யாரடா..

வளர்ந்த குஞ்சுகள் பிரிந்த போதும் 

வருந்தவில்லையே தாயடா..

மனித ஜாதியில் துயரம் யாவுமே 

மனதினால் வந்த நோயடா..

மனதினால் வந்த நோயடா..

அண்ணன் என்னடா தம்பி என்னடா 

அவசரமான உலகத்திலே

ஆசைக் கொள்வதில் அர்த்தம் என்னடா 

காசில்லாதவன் குடும்பத்திலே..

வாழும் நாளிலே கூட்டம் கூட்டமாய் 

வந்து சேர்கிறார் பாரடா..ஆ..ஆ...ஆஆஆஆ..

வாழும் நாளிலே கூட்டம் கூட்டமாய் 

வந்து சேர்கிறார் பாரடா

கை வறண்ட வீட்டிலே உடைந்த பானையை 

மதித்து வந்தவர் யாரடா.. 

மதித்து வந்தவர் யாரடா

பணத்தின் மீது தான் பக்தி என்றபின் 

பந்தபாசமே ஏனடா..

பதைக்கும் நெஞ்சினை அணைக்கும் யாவரும் 

அண்ணன் தம்பிகள் தானடா.

அண்ணன் தம்பிகள் தானடா

அண்ணன் என்னடா தம்பி என்னடா 

அவசரமான உலகத்திலே

ஆசைக் கொள்வதில் அர்த்தம் என்னடா 

காசில்லாதவன் குடும்பத்திலே..