சொல்லத்தான் நினைக்கிறேன்

சொல்லத்தான் நினைக்கிறேன் என்றும் இனிய பாடலை...
படம் : சொல்லத்தான் நினைக்கிறேன் (1973)
பாடியவர்கள்: மெல்லிசை மன்னர், எஸ். ஜானகி 
பாடலாசிரியர்: கவிஞர் வாலி 
இசை: மெல்லிசை மன்னர் எம்.எஸ்.விஸ்வநாதன்.

எம்.எஸ்.வீ.: 
சொல்லத்தான் நினைக்கிறேன் 
உள்ளத்தால் துடிக்கிறேன் 
வாயிருந்தும் சொல்வதற்கு 
வார்த்தை இன்றி தவிக்கிறேன் 
ஆஹா! சொல்லத்தான் நினைக்கிறேன் 

ஜானகி: 
காற்றில் மிதக்கும் புகை போலே 
அவன் கனவில் மிதக்கும் நினைவுகளே 
மனவீடு, அவன் தனி வீடு 
அதில் புகுந்தானோ? எங்கும் நிறைந்தானோ? 
அதில் புகுந்தானே, எங்கும் நிறைந்தானே 
ஆஹோ! சொல்லத்தான் நினைக்கிறேன் 

எம்.எஸ்.வீ.: 
காதல் என்பது மழையானால் 
அவள் கண்கள் தானே கார்மேகம் 
நீராட்ட, நான் பாராட்ட 
அவள் வருவாளோ? இல்லை மறப்பாளோ? 
அவள் வருவாளே, சுகம் தருவாளே 
ஆஹா! சொல்லத்தான் நினைக்கிறேன் 

ஜானகி: 
ஆசை பொங்குது பால் போலே 
அவன் அனல் போல் பார்க்கும் பார்வையிலே 
கொதித்த மனம் கொஞ்சம் குளிரும் விதம் 
அவன் அணைப்பானோ? என்னை நினைப்பானோ? 
அவன் அணைப்பானே, என்னை நினைப்பானே 
ஆஹோ! சொல்லத்தான் நினைக்கிறேன் 

எம்.எஸ்.வீ.: 
நேரில் நின்றால் ஓவியமாய் 
என் நெஞ்சில் நின்றாள் காவியமாய் 
நான் பாதி, அவள் தான் பாதி 
எனக் கலந்தாளோ? கண்ணில் மலர்ந்தாளோ? 
நெஞ்சில் கலந்தாளே, கண்ணில் மலர்ந்தாளே 

எம்.எஸ்.வீ. & ஜானகி (ஆஹா! சொல்லத்தான் நினைக்கிறேன்)